El PP ve "un disparate" destinar El Musel a puertu refuxu pa catástrofes porque lu tornaría nun "vertederu
|
16 Ochobre, 2009 por E.P. / Redacción
- Inicie sesión o rexístrese pa espublizar comentarios
El presidente del Partíu Popular d'Asturies, Ovidio Sánchez, tachó güei de "disparate" la posibilidá anunciada pol ministru de Fomentu, José Blanco, de destinar el futuru puertu ampliáu d'El Musel a refuxu pa catástrofes asemeyaes a les del Prestige. El cabezaleru de la oposición asturiana consideró esta idea "un disparate" que tornaba'l muelle asturianu nun "vertederu de galipote" pa los barcos del norte y frenaba "les nueses posibilidaes de desarrollu".
En declaraciones a los medios, demientres la sesión plenaria na Xunta Xeneral, el presidente del PP refirióse asina l'anunciu realizáu ayeri pol ministru nel Congresu de los Diputaos. Blancos señaló qu'ente los destinos baraxaos pola Comisión Europea pa la instalación portuaria xixonesa figura la utilización como puertu refuxu.
"Llénamos d'una gran preocupación les intencioens que tien el Ministeriu sobre'l puertu d'El Musel", señaló Sánchez, pal que "ye una xustificación espero que 'in extremis' del escesu de coste que nun quieren investigar". "Ye un disparate absolutu y oponémonos rotundamentemente. Nun podemos ser el vertederu de los barcos del norte", añadió.
El presidente del PP asturianu tien claro que la midida "afectaba a tola bahía de Xixón y a tola costa asturiana, entamando pola playa de San Llorientu. Diba ser una amenaza permanente a les nueses posibilidaes de desarrollu" añadió, anunciando que la so formación opondráse "dafechu" a esta posibilidá, tanto nel Congresu de los Diputaos como nel Senáu.
BAXU RINDIMIENTU
Acusó al Gobiernu central de "poner un encañu enantes de la mancadura", en referencia les hipótesis que falen de que la futura instalación tendrá una baxu rindimientu. Ésti, según Sánchez, yera "el peor de los destinos". "Que se busquen actividaes pa esti puestu", reclamó, señalando que yá "desapaeció la central de biodiésel y los rindimientos de la regasificadora paez que serán confusos". "Los escesos d'Areces yá entamen a ser munchos menos", señaló en referencia a les estimaciones d'actividá que tendrá'l puertu.
Pa Sánchez, el problema ye que "quieren xustificar el 'sobrecoste' y tienen un problema grave cola utilidá d'El Musel y el so posible desarrollu, porque entra en competencia con otros puertos del norte". Sicasí, dende'l so puntu de vista "seremos menos competitivos si se confirma la tesis del ministru de Fomentu", qu'indica qu'asumirá'l coste de l'Autoridá Portuaria. Esta midida, según el cabezaleru de los populares asturianos, "encarecerá los precios y tendremos menos posibilidaes de desarrollu".
Efrén d'Andrés
Comentarios
Ye lo que nos faltaba. De "paraísu natural" pasar a ser el "vertederu internacional". Si esto sigue adelantre, cárguense les nuestres costes. Seguro.
Ye como lo de Cogersa, que dicíen que Lleón diba trayer p'Asturies toles sos refugayes.
Equí nun hai espíritu de nada venceyao a crear empreses. Los asturianos d'anguaño somos como una cabarra chupando del estáu, somorguiaos baxo los efeutos del socialismu-derechismu españolista que dirixen el Fartón y esi otru que nunca gana nada.
Pero la culpa, evidentemente, ye de nueso y namái que de nueso. Y sobremanera de los nacionaliegos que nun somos quien axuntamos pa dir esperezándose y sortir d'esti marafundiu.
Cogersa tuvo ya recibiendo la basoria de Lleón y anunció fai un tiempu que'l basureru taría enllenu sobre'l 2012, por eso queríen facer la incineradora y acabarán faciendola pa llueu quemar la basoria de tolos vecinos. El Pepe Blanco, como bon galleguciu, quier evitar facer el puertu refuxu na so tierra ya intenta metenoslo a los asturianos a ver si cuela, de momento ya tien el preste de los caciquinos cazurros y vendios de la FSA que nun tienen otru enfotu que facese ricos estrozando'l país con incineradores, banzaos, barcos con mondicies, térmiques, autopistes... de los nacionalistes poco podemos esperar cuando la UNA nin siquiera foi capaz de sacar un comunicau sobre la conversión de les Foces del Llaímo o Ruta l'Alba nun paseu urbano al que namás-y van faltar les faroles de fundición.
Si hom, lo de Cogersa recibió muncha basoria del hospital y de tola provincia va tiempu.
Non si Asturies ye un gran basureru, sólo hai que ver la cla política. De lo que llibramos , y nun sé porqué, ye de centrales nucleares. Porqué sedrá ho?