Zapatero declara un patrimoniu de 209.206 euros

El presidente del Gobiernu, José Luis Rodríguez Zapatero, cuenta con un patrimoniu de 209.206 euros, según la declaración de bienes de los miembros del Executivu publicada esti xueves pol Boletín Oficial del Estáu (BOE). La ministra de Ciencia y Innovación, Cristina Garmendia, ye la que declara'l mayor patrimoniu, que cifra en 4,97 millones d'euros, mientres que'l vicepresidente Manuel Chaves y la titular d'Igualdá, Bibiana Aído, figuren na banda más baxa con patrimonios declaraos de 68.964 y 38.918 euros caún.
 
El Gobiernu vizo públicos esti xueves los datos de la situación patrimonial del presidente, los vicepresidentes, los ministros y los secretarios d'Estáu, conforme a la previsión contemplada na Llei de Conflictos d'Intereses d'Altos Cargos (antigua llei d'incompatibilidaes), aprobada nel 2006, anque nun se desarrolló hasta marzu d'esti añu.
 
Cuando s'aprobó'l citáu reglamentu pa determinar cómo se facíen públiques les declaraciones de bienes de los altos cargos, el Gobiernu anunció que los datos diben tar nel BOE enantes del 15 d'ochobre d'esti añu.
 
Esti xueves, últimu día d'esti plazu, l'Executivu espardió los datos de caún de los miembros del Gobiernu, incluyendo a los secretarios d'Estáu, tal y como apaecen nel Rexistru de Bienes y Derechos Patrimoniales constituyíu na Oficina de Conflictos d'Intereses. La Valoración de los bienes inmuebles correspuende al so valor catastral.
 
Según publica esti xueves el BOE y recueye Europa press, Zapatero tien un patrimoniu de 209.206,13 euros. D'esta cantidá, qu'inclúi los "bienes y derechos provenientes d'herencia familiar", 37.258,67 euros correspuenden al valor catastral de los sos bienes inmuebles, y 171.947,46 euros a "otros bienes". El presidente declara amás un "pasivu" (préstamos o deudes) de 80.847,89 euros.
 
Pela so parte, la vicepresidenta primera, María Teresa Fernández de la Vega, declara un actitú de 731.506,11 euros (323.607,8 en bienes inmuebles) y creitos y deudes por 161.474,88 euros. El  so patrimoniu inclúi los bienes recibíos por herencia familiar.
 
La vicepresidenta económica, Elena Salgado, fai constar 976.934 euros de patrimoniu total, de los que 236.934 correspuenden a bienes inmuebles y nun declara pasivu. Y el tercer vicepresidente, Manuel Chaves, sólo declara un patrimoniu de 68.964, 29 euros, sin pasivu, de los que 46.502 son bienes inmuebles.
 
Éstes ye'l desglose de les declaraciones patrimoniales facilitaes pol restu de ministros del Gobiernu, ordenaos de mayor a menor:
 
   -Cristina Garmendia (Ciencia y Tecnoloxía): 4,97 millones d'euros, incluyendo bienes y derechos d'herencia (1,42 de bienes inmuebles). Consta un pasivu de 981.347,78 euros.
   -Miguel Sebastián (Industria): 1,70 millones d'euros de patrimoniu (bienes inmuebles de 316.466 euros). Nun declara pasivu.
   -Alredo Pérez Rubalcaba (Interior): 1,22 millones d'euros (109.608,38 de bienes inmuebles), incluyendo bienes y derechos d'herencia familiar. Na so declaración nun consten creitos nin deudes.
   -Beatriz Corredor (Vivienda): 560.820,64 euros (259.624,83 de bienes inmuebles). Declara un pasivu de 283.981,15 euros.
MENOS DE MEDIU MILLÓN
   -Elena Espinosa (Mediu Ambiente, Mediu Rural y Marín): 400.038,08 euros (de los que 92.558,42 son de bienes inmuebles), incluyendo bienes y derechos d'herencia. Nun consten deudes nin creitos.
   -Miguel Ángel Moratinnos (Asuntos Esteriores): 384.978,37 euros de patrimoniu (284.978,37 de bienes inmuebles). Nun declara deudes.
   -Ángeles González Sinde (Cultura): 269.359,37 euros (174.996,65 euros en bienes inmuebles). Declara creitos y deudes por 72.843,34 euros.
   -José Blanco (Fomentu): 239.536,02 euros (los bienes inmuebles aporten 179.490,57) y un pasivu de 241.138,21.
   -Celestino Corbacho (Trabayu y Inmigración): 208.017,51 euros (119.018 de bienes inmuebles). Los sos creitos y deudes ascienden a 170.935,785 euros.
   -Ángel Gabilondo (Educación): 161.573,11 euros (de los que 76.169,11 correspuenden a inmuebles). El so pasivu ye de 8.482,19 euros.
   -Carme Chacón (Defensa): 156.718,87 euros (107.061,05 de bienes inmuebles). El so pasivu declaráu ye de 358.382,27.
PERBAXO DE 110.000 EUROS
   -Trinidad Jiménez (Sanidá y Política social): 109.796,92 euros (89.796,92 n'inmuebles) y un pasivu de 182.854.59 euros.
   -Francisco Caamaño (Xusticia): 106.703,61 euros (24.503,61 n'inmuebles). El so pasivu cífrase en 36.300 euros.
   -Bibiana Aído (Igualdá): 38.918,65 euros (de los que 21.415,13 son bienes inmuebles). Les sos deudes y creitos sumen 109.7722,39 euros.
 
Ente los secretarios d'Estáu, les cifres oscilen ente los 1,86 millones de Josep Puxeu (Mediu Rural y Agua) y 1,47 millones de Francisco Ros (Telecomunicaciones), que figuren na banda alta, y los 84.979 euros d'Eva Almunia (Educación) y los 65.087 euros de Nieves Goicoetxea (Comunicación).