Unos 20 grupos pondrán la banda sonora a les nueches del Festival de Cine de Xixón

Cerca d'una ventena de grupos  pondrán la banda sonora a les nueches del 47 Festival Internacional de Cine de Xixón en dellos escenarios de la ciudá, ente'l 19 y el 28 de payares, según informó la organización del Festival de Cine nuna nota prensa.
 
La sala Acapulco del Casinu d'Asturies acoyerá'l rock fronterizu de Tito y Tarántula, esenciales nes bandes sonores de 'Desperado', 'El Mexicano' y 'Abierto hasta el Amanecer', plataforma de llanzamientu del grupu.
 
El soul de Mayer Hawthorne, nesti momentu realizando la so xira Mayer Hawthorne & The County Lonely Hetars Club Tour, o Evan Dando nun faltarán nun cartel que tamién contará con Skye, la voz de Morcheeba, que presenta n'España'l so segundu discu.
 
Tamién tarán presentes, ente otros, el 'powerpop' de les Baby Shakes, y l'indie-pop de La Bien Querida, que presenta'l so primer discu 'Romancero', con cinco canciones nueves añadíes a les siete de la maqueta que-y valió a la moza debutante la revelación el reconocimientu de delles publicaciones especializaes y más de 125.000 escuches na so páxina de myspace.com.