Teatro Margen presenta güei n'Uviéu 'Xulia', la so versión n'asturianu de 'La señorita Julia', d'August Strindberg

La compañía de Teatro Marge presenta esta tarde nel teatru filarmónica d'Uviéu la so obra 'Xulia', adautación en llingua asturiana del drama 'La señorita julia' (versión en castellán) y 'Fröken Julie' (versión orixinal) del escritor y dramaturgu suecu August Strindberg.
 
Baxo la direición d'Arturo Castro, l'actor José Antonio Lobato interpretará al criáu Jean, mientres Ángeles Arenas será Xulia y Verónica Gutiérrez la cocinera Cristina.
 
L'adautación d'esta obra de 1888, ente les trés referenciales de Strindberg, ye ún de los seis montaxes que nesti momentu ufierta Margen nel so repertoriu. Estrenóse nel 2005.
 
La representación de güei, prevista pa les 20.15 a un preciu de seis euros la entrada, abre'l ciclu 'Asturias a Escena' del Filarmónica, que se prollongará hasta'l 17 d'avientu.