VII Concursu de Relatos curtios n'asturianu del conceyu de Cangas del Narcea

Bases
 
 
 
· Pueden participar tódalas personas que sean mayores de 16 años. Cada participante puede presentar una obra namái, n’asturianu estándar ou na súa variante occidental.
 
· Ha premiase aquel.la obra inédita qu’a xuiciu del xuráu sea d’un valir literariu mayor.
 
· La temática ía l.libre ya’l relatu ha tener d’extensión cinco fueyas cumo mínimo ya venti a lo máximo, con una presentación en DIN A4 a espaciu doble.
 
· Las obras nun se van volver a los/as autores/as.
 
· Ha premiase con 400 euros al trabayu ganador.
 
· Ha premiase al meyor trabayu escritu n’asturianu occidental con outros 400 euros.
 
· Los trabayos han presentase por triplicáu no Serviciu de Normalización L.lingüística (C/ Uría, 13, baxu, 33800 Cangas de Narcea) ou por corréu certificáu a la mesma dirección, nun sobre sin remite que l.lieve dientro outru cerráu nel que tean los datos del autor/a.
 
· Las obras han presentase primeiro del 11 del mes muertu.
 
· El xuráu ta formáu por varias personas: representantes de la Conceyalía de Cultura, un/a representante de l’Academia de la Llingua Asturiana, maestros/as ya escritores/as en l.lingua asturiana.
 
· Del resultáu del xuráu, ha comunicase a los interesaos/adas por carta ya teléfonu.
 
· Participar nesta convocatoria supón l’aceptación de las bases.