Los precios baxen cuatro décimes en setiembre n'Asturies y asítiense nel -1,3%

|

L'Índiz de Precios de Consumu (IPC) baxó cuatro décimes nel Principáu d'Asturies (-0,4%) y dos décimes nel conxuntu del país (-0,2%), en rellación al mes anterior, hasta asitiase na tasa interañal del -1,3% n'Asturies y un -1% a nivel nacional.
   Sobre'l mes anterior, presenten índices inferiores a la media Mdarid (-0,7%), Cataluña (-0,5%), País Vascu (-0,3%) y Melilla (tamién -0,3%). La otra ciudá autónoma, Ceuta, ye la única que presenta una tasa positiva del IPC (+0,2%). Les del restu de rexones van del -1,1% d'Andalucía y el -2,2% de Canaries, según datos publicaos güei pol Institutu Nacional d'Estadística (INE), recoyíos por Europa Press.
   Nel descensu del IPC de setiembre en Cantabria en rellación a agostu d'esti añu influyó especialmente'l descensu del ociu y la cultura, con una baxada del 1,9% (el -1,8% nel país) pola variación de les tarifes del viaxe organizáu, principalmente.
   Tamién baxaron los precios del tresporte (-1,5% na rexón, igual que'l conxuntu del país), pola cayida de los precios de carburantes y llubricantes, y en menor midida, pol descensu de los precios del automóvil.
   Tamién baxaron hoteles, cafés y restaurantes (-1,5% n'Asturies y -1,2% n'España), lo que l'INE atribúi a la baxada de los precios de los hoteles y otros agospios, dalgo habitual tres la temporada estival.
   De la mesma manera, tuvieron repercusión negativa, anque en menor midida, alimentos y bebíes non alcohóliques (-01,%) o bebíes alcohóliques y tabacu (-0,1%).
   Pel contrario, aumentaron los precios del vistíu y calzáu (+2,% n'Asturies y +3,6% n'España), lo que reflexa'l comportamientu de los precios tres el fin del periodu de rebaxes y l'entamu de la temporada d'iviernu.
   Incrementáronse n'Asturies, anque de manera más moderada, los precios n'artículos domésticos, enseñanza (0,2%), mientres que vivienda y comunicaciones permanecieron invariables nel Principáu.

Contador Estadistiques