Ecoloxistes piden la suspensión preventiva d'actividá na cantera de Solís (Corvera)

El colectivu Ecoloxista d'Avilés solicitó ante la Viceconseyería de Mediu Ambiente del Principáu que se proceda a la suspensión preventiva de l'actividá en cantera Solís, en Sama Riba (Corvera). Los motivos de los ecoloxistes son los "abondos incumplimientos repetíos" de la esplostación.
   Según esplicaron los ecoloxistes al traviés d'una nota prensa, a la empresa autorizóse-y una ampliación mediante resolución publicada nel BOPA co fecha 19-4-2006, "sin antender les alegaciones que presentare".
   Más de trés años dempués, los ecoloxistes señalen "abondos incumplimientos" de les condiciones impuestes na esplotación. Según esplicaron, nun se produxo la restauración de la superficie afectada polos argayos asocedíos nel regatu, y la vexetación de ribera a él asociada nun ta protexida de la so actividá. Amás, comentaron que la zona nun ta nin llendada nin señalizada na so totalidá, ente otros incumplimientos.