El presidente estaounidense, Barack Obama, ye'l galardonáu esti vienres col Nobel de la Paz 2009 por "la so visión y el so trabayu por un mundu sin armes nucleares", y polos sos "estraordinarios esfuerzos pa reforzar la dipomacia internacioanl y la cooperaicón ente los pueblos", según el Comité Nobel Noruego.
   Obama, que llegó a la Casa Blanca'l pasáu 20 de xineru, creó como presidente, según el Comité Noruego, "un nuevu clima na política internacional", permitiendo que "la diplomacia multillateral recuperare una posición central, con énfasis nel papel que Naciones Uníes y otres instituciones internacionales puen dearrollar".
   De la mesma manera, dende que'l nuevu presidente estaounidense llegó al poder "prefiérense el diálogu y les negociaicones como instrumentos pa resolver hasta los conflictos internacionales más difíciles".
   El Comité Noruegu esplicó que prestó "especial atención" a la "visión d'un mundu llibre d'armes nucleares", puesto que "estimuló poderosamente les negociaciones de desarme y control d'armes".
   Amás, "gracies a la iniciatives d'Obama --prosigue'l comunicáu oficial--, Estaos Uníos tá desarrollando agora un papel más constructivu en tratar los grandes retos del camiu climáticu a los que'l mundu s'enfrenta", y la "democracia y los Derechos Humanos van reforzase".
   "Sólo en mui contaes ocasiones una persona atraxo l'atención mundial al mesmu nivel qu'Obama y dio al so pueblu la esperanza d'un mundu meyor", opina'l xuráu del Nobel de la Paz. "La so diplomacia ta fundada nel conceptu de qu'aquellos que deben dirixir el mundu deben facelo sobre la base de valores y actitúes que son compartíes pola mayoría de la población mundial", resalten.
   A lo último, el Comité Nobel Noruego esplica qu'Obama ye "nesti momentu'l principal voceru mundial" de "la política internacional y les actitúes" qu'esti organismu trató de "estimular" nos sos 108 años d'historia.
   "El Comité apoya'l llamáu d'Obama de que "agora ye'l momentu pa que toos nosotros asumamos la nuesa parte de responsabilidá pa una respuesta global a los retos globales", acaba'l comunicáu.