La propuesta presentada n'Italia pol partíu derechista Lliga Norte y que prevé una pena d'hasta dos años de cárcel pa les muyeres que lleven burka xeneró un intensu alderique n'Italia.
   La Lliga Norte, que ye ún de los principales aliaos del primer ministru italianu, Silvio Berlusconi, plantégase castigar a les persones que por razones relixoses se les garre 'in fraganti' vistiendo ropa que fai "imposible o difícil el so reconocimientu".
   En realidá, la llexislación italiana prohíbe presentase en público tapeciendo'l rostru, nun siendo qu'exista un "motivu xustificáu". Agora, la Lliga Norte, quier suprimir esta última referencia.
   Sicasí, pal Partíu Demócrata, que nesti momentu ta na oposición, la norma sería "inconstitucional", porque  nun repetaba la llibertá relixosa. Sicasí, el Partíu de los Radicales, que tamién s'asitoa nel centru-izquierda, apunto que "vistir el burka o'l niqab integral en públicu viola non sólo les lleis del Estáu sinón también el conceptu de plena asunción de la responsabilidá individual", según declaró la parlamentaria Emma Bonino.
   Tampoco nel centru-derecha existe una visión unificada d'esta problemática, tal y como tresllucen les palabres del parlamentariu del Pueblu de la Llibertá (PDL), Fabio Granata, que considera que'l burka "se supera con polítiques y lleis d'integración y ciudadanía pero non cola cárcel".
   En cuanto a la opinión de los ciuddanos, según un sondéu de la televisión italiana Sky, el 75% d'ellos taba a favor de les midíes propuestes pola Lliga Norte, mientres que'l 25% refugaríales.
   Una encuesta llanzada güei pol diariu 'La Repubblica' na so versión dixital, en cambiu, matiza que, si bien el 70% de los ciudadanos taría a favor de prohibir el burka, sólo'l 25 taría d'acordies con penalizalu cola cárcel, tal y como plantega la Lliga Norte.