WWF y SEO/Bird Life alerten sobre los daños ambientales "irreversibles" que causará l'autovía La Espina-Ponferrada

Les organizaciones WWF y SEO/BirdLife alertaron sobre los daños ambientales y los "graves problemes", "irreversibles" que causará'l proyectu 'Vía Rápida Suroccidental', una autovía que discurrirá sobre la zona del exe La Espina (Asturies) y Ponferrada (Lleón).
   Asina lo ficieron constar nuna carta unviada al ministru de Fomentu, José Blanco, na qu'esplicaron los "graves problemes ambientales" que conllevaría la construcción d'una vía d'alta capacidá cruzando trés espacios protexíos "d'enorme valor ecolóxicu", dao que la zona declaróse parque natural, Reserva de la Biosfera y alcuéntrase dientro de la Rede Natural 2000 de la Unión Europea.
   Na evaluación ambiental realizada sobre la zona asturiana quedó claru'l "grave impactu" qu'esta carretera tenía sobre'l gallu montés cantábricu, al afectar a abondos cantaderos d'esti ave, unes árees "crítiques" pa la so reproducción.
   Amás, esta infraestructura atraviesa dellos espacios protexíos de "gran importancia" ambiental, como'l Alto Sil o'l parque de Fuentes del Narcea, Degaña y Ibias.
   La inquietú sobre'l  proyectu "non sólo" se debe al so impactu sobre l'entornu, sinón tamién al fechu de que dientro d'estos espacios naturales habiten les poblaciones d'osu pardu y gallu montés cantábricu "más abondoses" de la Península, dos especies "emblemátiques y mui amenazaes".
   Nesti sen, la construcción podía perxudicar "gravemente" a la población occidental d'osu pardu nel cordal cantábricu, especie que ta mostrando nos últimos años "esperanzadores signos de recuperación".
   Per otra parte, l'Alto Sil ye una zona de "gran valor natural" que nesti momentu alcuéntrase con "abondos problemes" ambientales, principalmente ocasionaos pola minería a cielu abiertu.
NORMATIVA EUROPEA
   Antes esta situación, WWF y SEO/BirdLife recordaron al Gobiernu qu'esti tipu de "agresiones a espacios y especies mui amenazaos", incluyíos dientro de la Rede Natural 2000, conllevaría "series dificultaes" pa cumplir cola normativa europea de proteición de la naturaleza.
   Según les organizaciones, la creación d'esta autovía sería "sin duda", la obra con "mayor impactu" ambiental de les realizaes nes últimes décades en tol cordal cantábricu.
   Poro, dambes asociaciones tán d'acordies en que "dada l'alta sensibilidá na zona, seríen necesaries dalgunes actuaciones dirixíes a meyorar la carretera actual, de manera que resulte más segura pa los conductores, y con menos impactu pal osu pardu".
   Según indicó'l responsable del programa de Biodiversidá Terrestre de WWF, Luis Suárez, "tamos nun momentu crucial, cola revisión del Plan Estratéxicu d'Infraestructures y Tresporte (PEIT) p'algamar que la política d'infraestructures del Estáu s'adaute meyor a la llucha contra'l cambiu climáticu y la conservación de la Biodiversidá.
   Sicasí, aseguró, "nos últimos meses el Ministeriu de Fomentu prometió a dalgunes comunidaes delles infraestructures que pasen per espacios protexíos, siendo la de La Espina-Ponferrada una de les que tendrán mayor impactu".
   A lo último, el director del departamentu de Conservación de SEO/BirdLife, Juan Carlos Atienza, apuntó que "ye necesario que l'Estáu tenga en cuenta la conservación de la naturaleza a la hora de definir la so política de tresportes, sobre too cuando'l 2010 ye l'añu mundial de la Biodiversidá".
   "La política de tresportes debe ser el resultáu d'una auténtica planificación que tenga en cuenta tolos factores incluyíos nel mediu ambiente y non la suma de promeses realizaes por un ministru. Les urxencies pa executar el gastu públicu nun deben suponer una perda irreversible del nuesu patrimoniu natural", acabó.