El preciu de la vivienda de segunda mano sube nel Principáu un 2 por cientu nos últimos trés meses

Según datos del índiz inmobiliariu fotocasa.es, Asturies ye la Comunidá Autónoma cola variación trimestral del preciu de la vivienda de segunda mano más alta d'España. Concretamente'l preciu mediu subió un 2% nel tercer trimestre del 2009. Nos trimestres anteriores rexistráronse valores negativos, d'un -2,1% nel segundu trimestre y un -4,2% nel primer trimestre.
   En cuanto a la evolución de la vivienda nel últimu mes, l'Índiz fotocasa.es constató una subida del 1,7%, lo qu'asitia'l preciu mediu en 2.253 euros por metru cuadráu, según informó'l portal al traviés d'una nota prensa.
   Nel últimu añu, rexistróse un valor negativu de -5,8% (la variación internaañl calculada de setiembre del 2008 a setiembre del 2009). Asina, yá son 24 los meses siguíos nos que se rexistraron descensos interañales del preciu de la vivienda n'Asturies.
   El preciu máximu históricu de la vivienda n'Asturies rexistráu pol Índiz Inmobiliariu fotocasa.es algamóse en xunu del 2007, momentu en que'l preciu mediu de los inmuebles de segunda mano yera de 2.934 euros por metru cuadráu. Dende'l so valor máximu'l preciu de la vivienda n'Asturies cayó un -23,2% ye dicir, 681 euros por metru cuadráu.
   Tolos conceyos asturianos rexistren valores positivos nos últimos trés meses. La subida trimestral más destacada ye la d'Avilés, con un 4,2%, lo qu'asitia'l valor del metru cuadráu en 1.964 euros. En segundu llugar, el conceyu onde más creció'l preciu de la vivienda de segunda mano ye d'Uviéu, con un incrementu del 2,5%, lo que lo asistia como'l conceyu col preciu mediu más eleváu (2.443 euros/metru cuadráu), y la tercer posición ye pa Siero (1.820 euros/metru cuadráu) con una subida del -0,4%.