Cultura destina 120.000 euros p'ayudes a la restauración de molinos

La Conseyería de Cultura y Turismu del Principáu d'Asturies publica güei nel Boletín Oficial del Principáu d'Asturies (BOPA) la resolución pola que se resuelve la convocatoria de sovenciones pa la restauración de molinos y otros inxenios hidráulicos, con una cifra total de 119.99,85 euros.
   La resolución produzse d'acordies cola propuesta formulada pola Permanente del Conseyu de Patrimoniu Cultural d'Asturies na so sesión del 27 de xunetu del 2009, referida a los espedientes de solicitú de convocatoria de sovenciones, pol procedimientu de concurrencia competitiva, pa restauración de molinos y otros inxenios hidráulicos, tres examinar y valorar los espedientes.
   Les instalaciones oxetu d'ayudes tán asitiaes nos conceyos d'Allande, Bual, Cabrales, Cangas del Narcea, Cuaña, El Franco, Ibias, L.lena, Navia, Piiloña, Les Requeres, Ribesella, Tapia, Tinéu, Valdés y Villayón.