La Xunta Xeneral refuga la propuesta del PP de crear una comisión d'investigación pa El Musel
|
25 Setiembre, 2009 por E.P. / Redacción
- Inicie sesión o rexístrese pa espublizar comentarios
La Mesa de la Cámara refugó, por un defectu de forma, la propuesta de resolución rexistrada pol Grupu Parlamentariu del PP, na que se solicitaba l'abertura d'una comisión d'investigación pa esclarar tolo rellacionao coles obres d'ampliación del puertu d'El Musel.
La propuesta refugóla la Mesa al considerar que nun s'axusta al Reglamentu de la Cámara qu'establez otros cauces pa esti tipu de pidimientos. Sicasí, el grupu parlamentariu del PP siguirá alantre colos trámites pa solicitar dicha comisión.
La obra d'El Musel y los sos escesos de coste centraron bona parte de les intervenciones de los voceros del PSOE y PP a lo llargo del alderique que se vien celebrando nel Parlamentu asturianu dende'l pasáu miércoles. Na so propuesta de resolución, el PP exixía la creación d'una comisión d'investigación d'El Musel, qu'esplicare les causes de los escesos de coste de les mesmes y la financiación que vaya facer frente a la totalidá de les obres colos escesos de coste.
Efrén d'Andrés
Lo + visto de la selmana
Comentarios
Entós porqué IU-BA critica El Musel?
IU-BA-Los Verdes, los mesmos que denunciaron tantes coses. Pues ye más de lo mesmo, la yá hestórica tradición política asturiana de tar o querer tar al empar nel gobiernu y na oposición. Tolos partíos parllamentarios tienen llarga esperiencia nesti casu, y sigo diciendo que ye bien guapo, tar a les once glayando, a les doce denunciando, a la una pisando moqueta encarnada, y a les dos el vermut.
Gabis