Softastur entama una nueva "Install Party" d'Ubuntu

|

L'Atenéu de Turón (conceyu de Mieres) va acoyer un taller d'instalación del sistema operativu Ubuntu n'asturianu'l próximu xueves y vienres. Concretamente'l xueves 24 a les 19:00 hores va desendolcase una charra d'iniciación a Ubuntu y el vienres 25 a les 16:30 va tener llugar el taller d'instalación d'Ubuntu. Esa iniciativa parte de Softastur y como n'otres ocasiones pretende "enseñar y/o instalar a tolos interesaos un sistema operativu que-yos permita manexar un ordenador n'asturianu dafechu".

Según los responsables de Softastur, "col sistema operativu Ubuntu pue facese cualesquier xera, como restolar per Internet, ver videos, oyir música, escribir documentos, mandar/recibir emails, ver/editar semeyes, descargar música/películes, chatear... y too ello n'asturianu, ensin virus y de baldre". La instalación pue facese nuna nueva partición, colo que nun se tien de desaniciar nin renunciar al sistema operativu que se tenga. La sesión ye abierta y de baldre y tamién se convida a asistir a tola xente interesao en saber en qué consiste Ubuntu pa que dempués puedan decidir si quieren instalar esti sistema operativu o non.

Softastur ye una plataforma de programadores y traductores en llingua asturiana dedicada a la torna y desarrollu de software llibre n'asturianu. Trátase d'una iniciativa de calter cívicu empobinada en programes de códigu llibre. Los interesaos nesta "install party" pueden visitar esta páxina web p'ampliar la información.

Comentarios

Turón, con tolos respetos del mundu, un llugar despobláu, y camín de despoblase más, ehí pués plantegar un Ubuntu n'asturianu o en bengalí, porque ye un asuntu testimonial, hai que facelu sí, peror al empar hai que facelu ne "Ni meye" de "Bras - Pis " y na "LLaboral ciudás de la culturas", cosa que de momentu nun toi viendo. Si l'asturianu muerre polo menos dedica-y unos mínimamente honrosos funerales y nun lo faigais en mediu esti apavoriante ridículu de mexos, rutios, y marquesitas
 
 

Gabis

Menos mal que lo dices con tolos respetos del mundu....
El que se faiga una install en Turón, nun ye cosa de Softastur, sinón del Aytu de Mieres. Polo que a mí respeuta, una install party, ye tan bona en Turón, como en Xixón (que tamién se fizo), como en Caborana. ¿Qué ye, que ellí nun tienen ordenadores nin llingua?
Softastur nun tien dengún problema en facer una install nel Niemeyer, nin nel Calatrava. Si lo organices tú, nún sitiu que veas afayaízu o dignu d'una install (onde nun vaya a morrer la llingua), facémoslo a lo grande, con bandes de gaites y too. Dexámoslo de to parte. Si consigues que venga Brad Pitt, tamién.
Agora sí: (y yo sí lo digo con tolos respetos) Si cada cosa que se fai nesti mundu nuesu, ye pa crítica destructiva, nun m'estraña que nos vaya comu nos va nesti país.
 

malditoastur@gmail.com
Ubuntu: el sistema Operativu na to llingua.

Gabis, pa nós (Softastur), Turón merez una Install Party como cualisquier otru llugar.
Nun tenemos nengún problema en facer Install Parties onde quieran acoyenos (en Xixón ficimosla fae unos meses).
¿Quién dixo que va morrer l'asturianu??? Yo nun voi dexalu morrer :)
Un saludu.

Non,  ye que l'asturianu ta armándoles mui gordes, y va armales tovía más, ehí dieron en duru, ¿si hai 2.000 años nun pudieron con nós les seis lexones d'élite d'Augustu van poder con nós cuatro almodovarianos subvencionaos ?????. Yo creo qu'hasta me presta y too, jajajajajaja, al final sin siquieramente fixo falta atacar la Llaboral, ellos mesmos se la tán cargando, llevo dos selmanes intentando-y facer una semeya en condiciones y nun soi a ello, y mira que me paga una empresa alemana, empezaron a manga-y coses encima, yo toi a favor de dexalo pa prau y nun remanalo más

Gabis

Contador Estadistiques