Xuegos y Deportes

Yá Estrabón al falar de los ástures de la Edá y del Fierro y los sos vecinos diz: "faen lluches ximnástiques, hoplítiques ya hípiques, exercitándose na llucha puxilística, les esfriegues y les batalles campales". Angüaño, la tradición asturiana caltién abondes manifestaciones deportives, ente les que tán :

El baltu. Dos lluchaores agárrense pasando'1 brazu drechu pel llombu isquierdu del contrariu y la manzorga perbaxo del brazu drechu, xuniéndose les dos manes na espalda, quedando asina trabaos y puxando por baltase l'ún al otru.

Los bolos. Güei'l deporte rei n'Asturies, con estremaes variantes: cuatreada, birlle, pasabolu (curiosamente esta modalidá xuégase en tol territoriu astur-occidental de 1'Antigüedá dende Ourense a Tinéu, y ente los Pasiegos, xentes tresplantaes del occidente ástur a la frontera oriental del reinu nel Altu Medievu), el batiente, el dexabolu y el cuatrín d'Agones (Pravia).

La barra. El tiru de la barra (cola que se trabaya la piedra), d'alredor de 1 m. de llargo y hasta 8 kg. de pesu, contó con grandes tiraores de Ileenda, como José Baizán "E1 tiraor de Barru".

Xuegos de palos. Quitase'1 palu ún a otru, picar el palu (ye dicir, facer por frañar el palu'1 contrariu en chocándolos), correr usándolu como puntu d'apoyu, saltar col palu, etc., xunío tou ello a 1'abondosa documentación d'otres dómines, fainos decatanos na sonadía qu'algamaren los mozos del País pola so habilidá nel manexu d'esti instrumentu que llegó a ser un auténticu complementu na vida diaria.

Competiciones con animales. Carreres a caballu, carreres de cintes a caballu, competiciones de fuercia ente parexes de gües, enfrentamientos de vaques nes morteres o de gües nes mayaes...

Los deportes de la mar. Competiciones de vela, de remu (bateles,traineres,etc.) Y toa una interminable riestra de xuegos populares rellacionaos col ciclu festivu, de les colleches... qu'en sieglos practicaron pequeños y mayores