L'Ayuntamientu d'Uviéu estudiará caltener la nueche celta de San Mateo pero ve difícil financiar Trebolgu

El conceyal de Cultura y Festexos del Conceyu d'Uviéu, José Suárez-Arias Cachero, informó de que'l Conceyu estudiará'l caltenimientu de la nueche de música tradicional ente los conciertos de la Plaza de la Catedral, asina como prollongar l'horariu de les orquestes de la plaza del Fontán, a xulgar polos bonos resultaos d'estos eventos nes presentes fiestes de San Mateo. Sicasí, ve dificultaes económiques pa financiar los Alcuentros Tradicionales de Trebolgu, como propunxo esta asociación.

   L'edil realizó estes declaraciones al acabar la rueda prensa convocada pa presentar el tercer concursu de relatos cortos del 'rastrillo' de Nuevu Futuro.

   Al acabar l'actu, Cachero nun quiso dar cifres, pero consideró que'l conciertu que "enllenó la Plaza de La Catedral ye'l de Melendi", y el "d'Operación Triunfo, foi'l segundu llenazu". Sicasí, reconoció que "la nueche de música tradicional foi un éxitu". "Foi sorprentende", añadió. "Había muncha xente, y eso que foi una cuestión entamada con Trebolgu, una vez fechu'l programa festivu". "Vese que'l folk y la música tradicional asturiana tienen un públicu mui numberosu". Sin embargu, "ye un poco peacío al día de la música asturiana", polo que "veremos lo que facemos l'añu que vien", añadió.

   Per otra parte, apreció munchu apoyu popular "al tema de les verbenes del Fontán". "Probablemente quedamos un poco cortos, dao qu'acaben a les once y pico. Va haber que retocalu l'añu que vien", anunció.

   En referencia a les ventes de los chiringuitos y la hostelería demientres este añu, opinó que "la xente ta gastando de manera más comedida". Sin embargu, entiende que "el modelu ta funcionando porque les places onde tenemos actuaciones musicales tán llenes". "El fin de selmana l'exitu foi total, y tamién ye existosa la descentralización en collaboración colos hosteleros. En Teatinos tenemos horarios que se complementen colo de les fiestes", acabó.

SIN FONDOS PA TREBOLGU

   Al respeuto de la propuesta de l'asociación Trebolgu de que seya l'Ayuntamientu'l que financie los Alcuentros de Música Tradicional de cara al próximu añu, dao que'l colectivu anunció que los del pasáu llunes van ser los últimos, Cachero adelantó qu'económicamente "2010 va ser un añu mui duru".

   "La inversión cultural y festiva va vese afectada pola situación de la crisis. Ye mui difícil incorporar nuevos compromisos de gastu, pero va haber que ser imaxinativos y estudiaremos nuevos compromisos con Trebolgu", consideró.

   El conceyal entiende que'l pasáu llunes, nueche en que se celebraron los décimos alcuentros nel marcu de San Mateo, tres la suspensión de la fecha inicial por un "malentendíu alministrativu, Trebolgu fizo dalgo de munchu nivel, y eso cuesta dineru". Entiende, poro que "ellos van querer que les instituciones entren na financiación de los Alcuentros".