Entama l'Arribada 2009

L'alcuentru lliterariu "Arribabada. Vagamar lliteraria y cultural" entama esti llunes 14 de setiembre la so edición 2009 con un programa que va desendolcar hasta'l sábadu 3 d'ochobre un bon númberu d'actividaes alrodiu de la lliteratura asturiana. Nesta ocasión les xornaes van tener llugar nel Centru de Cultura Antiguu Institutu (CCAI) y nel Muséu del Ferrocarril de Xixón, y tamién nel Centru Polivalente de la Plaza Obdulio Fernández de Villaviciosa.

Presentaciones de llibros, conferencies, proyección de películes subtitulaes na nuesa llingua, conciertos, representaciones teatrales y recitales poéticos conformen la ufierta d'ún eventu que quier ser l'espeyu de la creación cultural n'asturianu, ensin escaecer les novedaes qu'aporten de más allá del cordal, como amuesa la xornada dedicada a Lleón.

Esti llunes va ser Villaviciosa onde van emprincipiar les actividaes d'esta Arribada 2009, un programa estráu d'acontecimientos que los llectores d'Asturies.com pueden consultar nesti enllaz.