Tejedor presenta l'espectáculu "8S Cuideiru"

Por cuenta de la celebración de los actos institucionales del Día d'Asturies en Cuideiru, el grupu de música asturiana "Tejedor" va ufrir un espectáculu col títulu de “Tejedor 8S Cuideiru” a partir de les 22:00 hores, nel que xunto a los asturianos van participar los músicos irlandeses Karan Kasey y Niall Vallely, l'escocés Duncan Chisholm, los vascos Iñaki Plaza y Ion Garmendia, la banda de gaites "Sonerien An Oriant" de Bretaña y el grupu gallegu "Faltriqueira".

Según afiten los hermanos Tejedor "la idea ye que dientro de la estaya musical na que se mueve Tejedor, tengan sitiu diferentes músicos de los países qu'axunta l'arcu atlánticu, tamién denominaos Países Celtes. Contamos con convidaos que van ayudanos a completar un recorríu musical per toos esos países, dende Galicia, Euskadi, Bretaña, hasta Escocia y Irlanda, artistes de primer nivel que cuenten con gran reconocimientu dientro de la escena folk."

Tamién en Cuideiru, pero a les 19.00 hores, ta prevista l'actuación del músicu Alfredo González, recién ganador esti añu del "Premiu al meyor cantar n'asturianu".