El conceyu de Cuideiru acueye los actos oficiales conmemorativos del Día d'Asturies 2009, que se celebren del 5 al 8 de setiembre y qu'esta edición cuenten coles actuaciones de Miguel Ríos, "El Sueño de Morfeo", "Tejedor" y Luz Casal, ente otres munches actividaes. Según el Presidente asturianu, Vicente Álvarez Areces, son "cuatro díes de festeyos intensos y variaos, nos que gociar xuntos de l'arrogancia cola que los asturianos sentimos la convivencia y, al tiempu, reforciar l'enfotu nos nuestros proyeutos de futuru".
 
Amás del apartáu musical, el programa festivu complétase con otres actividaes como la celebración d'un mercáu tradicional asturianu, una amuesa de los oficios artesanales, una feria de productos asturianos, con puestos de venta de la gastronomía y artesanía del Principáu, y una feria del llibru y del discu. Tamién habrá conciertos na cai y eventos deportivos. Los actos van desendolcase nel paséu marítimu y nel puertu de Cuideiru.

Los llectores d'Asturies.com puede ver el programa completu n'asturianu descargando'l folletu q'ufre la web del conceyu de Cuideiru (pdf).