La creación d'empreses cai nun 57,46% n'agostu n'Asturies

|

La creación neta d'empreses cayó un 25,69% el pasáu mes d'agostu sobre'l mesmu periodu del añu anterior con un total de 4.528 nueves sociedaes, mientres que les baxes aumentaron un 12,31% con un total de 1.369 disoluciones, según un informe ellaboráu por Axesor. N'Asturies la creación d'empreses baxó un 57,46% y el númberu de disoluciones subió un 170%.

   La constitución d'emprees sigue descendiendo por tercer añu siguíu, con una cayida del 35,19%, y un total de 1.988 compañíes menos que nel 2008.

   En términos absolutos, el ranking por comunidaes autónomes encabézalu Cataluña, tanto'l númberu d'altes, 897, lo que representa un 21,73%, menos que nel 2008, como de baxes, con un 831, un 8,86% más.

   Encuanto a nueves empreses, el segundu puestu ocúpalu Andalucía con 764 altes, un 23,52% menos que n'agostu del 2008, siguíu pola Comunidá de Madrid, con 762, que representa una cayida del 22,48%.

   Sin embargu, nel casu de les disoluciones, la Comunidá de Madrid ocupa'l segundu puestu con 222 baxes, un 2,63% menos que nel 2008, siguíu pola Comunidá Valenciana qu'aumenta les sos disoluciones nun 7,8% con 152 compañíes disueltes.

   En términos relativos, les comunidaes nes que la creación d'empreses más baxó fueron Asturies, con 57,46% menos, La Rioxa, con un 45,24%, y Castiella La Mancha, con una cayida del 42,19%.

   Les que más aumentaron en númberu de disoluciones fueron La Rioxa, con 233,33% más, Asturies, con una subida del 170% y el País Vascu, con un aumentu del 107,50%.

   En cuanto sectores, el sector del comerciu y reparación de vehículos sumó 977 empreses más, anque esta cifra representa una cayida del 19,92% sobre les altes del añu anterior.

   En segundu llugar, asitióse la construcción, con 638 nueves empreses, un 23,98% menos, siguida por actividaes profesionales, científiques y técniques con 533 altes, esperimentando una cayida del 37,59% sobre les cifres d'agostu del 2008.

   En cuanto a disoluciones, el sector que lidera'l ranking siguió siendo'l de la construcción, con 275 empreses menos, un 3% más que nel 2008, siguíu polos de comerciu al por mayor, y al por menor y reparación de vehículos con 262 baxes, un 11,49% más, y el correspondiente a actividaes inmobiliaries, con 158 menos, lo que representa una subida del 5,33%.

Contador Estadistiques