Unes 200 hectárees quemaes nun incendiu nel Parque Natural de Fuentes del Narcea, Degaña y Ibias

El Parque Natural de Fuentes del Narcea, Degaña y Ibias sufrió dende'l domingu un incendiu qu'afeutó a unes 200 hectárees, según informó la conseyería de Mediu Ambiente al traviés d'una nota prensa. La zona quemada ta definida dientro del Plan Rector d'Usu y Xestión (PRUG) del parque como zona d'usu agropecuariu, ye dicir, un área con una fuerte presencia de les actividaes agrícoles y ganaderes y que se ve sometida a una mayor presión, manexu y esplotación de recursos per parte de la población.

   "Nun hubo afeición poro a nenguna de les zones d'usu restrinxíu, nin se vieron afectaos gravemente ecosistemes animales y vexetales importantes na zona", sorrayaron dende la Conseyería güei al traviés d'una nota prensa.

   Los técnicos de la Guardería de Mediu Ambiente, xunto col director del parque natural, permanecieron a lo llargo del día d'ayeri na zona, onde collaboraron nos llabores d'estinción desarrollaos polos bomberos del 112 y les cooperatives forestales. Efeutivos de la Guardería de Mediu Ambiente van siguir nel día de güei, xunto col restu de personal nesta zona ante posibles incidencies.

   De la mesma manera, la Conseyería de Mediu Ambiente informó d'un pequeñu incendiu producíu nel día d'ayeri n'otra zona perteneciente al Parque, concretamente nel núcleu de Fontes de Corbeiro, nel conceyu de Cangas del Narcea, y que se sofocó "de manera rápida y sin afeutación importante".