Convocáu'l VI Concursu de Rellatos Mineros Curtios "Manuel Nevado Madrid"

La Fundación Juan Muñíz Zapico, venceyada a Comisiones Obreres d'Asturies, ta acabante de convocar la sexta edición del Concursu de Rellatos Mineros Curtios "Manuel Nevado Madrid". Nelli pueden presentase obres n'asturianu y en castellán. El testu ganador tien un premiu de 1.000 euros y cuenta amás con un accesit n'asturianu dotáu con otros 600. Los rellatos deben falar necesariamente de dalgún aspeutu (motivos temáticos, personaxes, argumentu o ambientación) venceyáu col mundu de la minería de cualquier país.

La estensión nun podrá perpasar les 40 llinies en lletra de cuerpu 12 y tipu Times New Roman o asemeyada, pudiendo ocupar el microrrellatu un máximu d'una páxina en formatu foliu o DIN-A4 por dambes cares y el plazu de presentación fina'l próximu día 22 d'ochobre de 2009. Les bases completes pueden consultase na páxina web de la Fundación Juan Muñíz Zapico.