Ñaz la revista d'ensayu y divulgación "Raigañu"

L’Atenéu Cultural Xuan María Acebal da anuncia de que va espublizar a comuña cola editorial La Cruz de Grau una nueva revista d’ensayu y divulgación que va llamase "Raigañu" y que va tar dirixida por Javier Cubero de Vicente. El conseyu de redacción confórmenlu l’historiador Antón Martínez, el periodista y escritor Inaciu Galán y González, y el músicu Xesús Nel García Muñiz.

Dende l’Atenéu adelanten yá dellos conteníos d'esti proyectu. Ente otros, vanm asoleyase los artículos “L’Osu na cultura asturiana”, de Xuan Porta Allende; “Software llibre n’asturianu” del colectivu Softastur, y un “Vocabulariu asturianu na lliteratura de José María de Pereda” de Xaviel Vilareyo. Amás, habrá secciones d’hestoria, cultura, música, lliteratura, normalización llingüística y reseñes. L’Atenéu tien abiertu’l plazu pa participar de la publicación, pudiendo mandase les collaboraciones a ateneuacebal@hotmail.com