El númberu d'estranxeros asitiaos nel nuesu país duplicóse ente los años 2004 y 2008, siendo un total de 40.804 persones, esto ye, un 3,78 % de la población asturiana según afita l'informe "Mercado de Trabajo de los Extranjeros en Asturias 2008" asoleyáu pol Ministerio de Trabajo. D'ellos, 19.84 son homes y 20.964 muyeres. Por procedencia, un 35,19% vienen d'estaos de la Unión Europea, mientres qu'un 64,81% lleguen d'estaos estracomunitarios.

En cuantes al númberu de contrataciones llaborales de la población estranxera n'Asturies, aumentó nel mesmu periodu nun 115,38 % nos trabajadores procedentes de la UE y nun 125,56 % los d'otros estaos. Per sectores, los trabayadores estranxeros concéntrense mayoritariamente nel de servicios col 62,15% y na construcción col 24,72%.