Celébrase'l Ruxidoiru 2009

La Puela d’Allande vuelve a acoyer una nueva edición del Ruxidoiru, eventu entamáu pola asociación El Rapigueiro. Nél l’asociación busca dende 2005 la difusión de la cultura asturiana con presentaciones de llibros, charres y conciertos, too ello nun ambiente folixeru.
 
La fecha escoyida pa esti añu ye’l 5 de setiembre, a partir de les les 18:00 hores va haber una tertulia cultural nel Café Centro baxo’l nome “De las paneras d’Ayande a los horrios de Turquía”. Nella van participar l’antropólogu Armando Graña y Bernardo Busto cola ponencia “Dende Ayande a Turquía buscando horrios ya paneras” que fadrá un repasu a los tipos d’horros que s’alcuentran n’Europa. Paul Zardaín va facer una intervención con “Serander, ambarlar, horrios ya paneras de La Mar Negra” y p’acabar, la invitada holandesa Ingrid van der Voort va charrar d’horros turcos con “Más allá de Ayande. La koiné decorativa en el antiguo Imperio de Trebisonda”.
 
A eso de les 19:00 hores va entamar la parte más folixera del programa.con un pasucais al son de “La Bandina los Eólicos”. La música va tener un toque gastronómicu ya que la bandina va percorrer los chigre de La Puela onde se van poder comer pinchos típicos del páis.