Bloque por Asturies quier unos presupuestos "espansivos" y "intensivos"
|
26 Agostu, 2009 por Pablo R. Alonso
- Inicie sesión o rexístrese pa espublizar comentarios
El Bloque por Asturies presentó la so propuesta de presupuestos pal próximu exerciciu nuna rueda de prensa na que tamién asoleyóse la nueva imaxe del partíu. Pal portavoz de BA, Pablo Fernández, "deben ser unos presupuestos acordies a la fiscalidá y a la rellación colos ciudadanos, que sían cercanos a la realidá social y económica d'Asturies". Pela so parte Rafael Palacios, director de l'Axencia Asturiana de Cooperación, afitó que "se tan faciendo actividaes que nun son prioritaries" cuando "anguaño hai xente que carez d'un trabayu o una vida digna".
El portavoz del Bloque conseñó que los nuevos presupuestos deben ser "intensivos, en cuantes al aumentu de dineru y espansivos, en cuantes a qu'algamen a más xente". Amás Pablo Fernández afitó que "recortar ayudes o baxar impuestos son medíes neolliberales que nos llevaron a esta situación y ye dalgo que nun puede volver a ocurrir a pesar de les idees del Partido Popular". Pa Fernández debe "dase más a quien más lo necesite" y deben "aportar más los que más tienen".
BLOQUE POR ASTURIES ESTRENA IMAXE
El responsable de Movimientos Sociales y formación de Bloque por Asturies, Nacho González, presentó tamién la nueva imaxe del partíu, que pretende "rescamplar la so singularidá nel panorama políticu asturianu". El logu nuevu ye un bloque en dellos colores, nel que nel interior puede lleese'l nome del partíu, así como les sos iniciales separtaes por una estrella.
Nacho González conseñó que se "trata de cinco logotipos con cinco colores diferentes, roxu, verde, azul, naranxa y moráu que representen valores ideolóxicos, afiten l'asitiamientu del Bloque nel panorama políticu" y que cinquen a "les cuestiones medioambientales, igualdá de xéneru, participación de la mocedá, autogobiernu y la identidá cultural y llingüística d'Asturies". Pa Nacho González, ye un símbolu "singular y plural" igual que los valores ideolóxicos defendíos pol Bloque.
Efrén d'Andrés
Comentarios
¿Dispón el Gobiernu Asturianu de fondos bastantes p'afrontar unos prespuestos intensivos (más dineru) o tienen que recurrir a los contribuyentes?.
Cuando tán cayendo les PYMES asturianes como cuentu risa ¿soportaríen les qu'inda queden una mayor presión fiscal?. Teniendo en cuenta que más de la mitá de los trabayadores asturianos son mileuristes, ¿nun los beneficiaría un menor aforfugu impositivu?.
¿Qué mecanismu efectivu a nivel autonómicu s'activaría pa consiguir qu'aporten más los que más tienen y cuálos sedríen los criterios pa una redistribución ente los que menos tienen?.
¿Qué criterios se siguiríen pa estremar les actividaes non prioritaries de les que sí lo son?. ¿Sería una actividá prioritaria pal Gobiernu Asturianu (en coalición, nun lo escaezamos) la inversión no referente a la llingua asturiana?.
Xilón y el Xanu dicen coses mui ciertes, y que yo aplaudo y asumo totalmente. Qué guapo ye Asturies, con una tradición de tar nel gobiernu y na oposición al empar, protestar, nun digo que con razón, nun comunicàu de prensa, como si fueres AA ó UNA, pero de seguío pisar les suaves moquetes encarnaes de la Xunta Xeneral, y dase abrazos y saludinos de mano pa les semeyes de los meyores pautos de gobiernu. Asturies ye un encantu.
Gabis
Estos del Bloque son de los que se conformen coles migayes de les que falaba Hevia nel so discursu del día de les lletres.
Nun tienen nin arte nin parte nel gobiernu asturianu , son estómagos agradecíos (peselbreros sin mas) .
¿Que van salir del gobiernu si los presupuestos nun son espansivos ya intensivos?
venga que dais la gana de cagar , tanto criticar al PAS y a X.X. y fizo mas coses el solu por Asturies y pol asturianu que vosotros y los d'IU en seis años que lleváis nel gobiernu . Lo dicho podéis cambiar el logo qu'eso de "vender" dásevos de cine pero nun engañáis a naide ya , siguir zucando-ys la minga a Areces y a Javi Fdez que ye lo que meyor sabéis facer.