IX presenta un recursu contra'l nuevu palaciu de xusticia mientres que'l gobiernu diz que'l proyectu cumple la llegalidá

|

La diputada d'IX-BA-Verdes, Emilia Vázquez Menéndez, presentó énte'l Tribunal Superior de Xusticia d'Asturies un recursu contenciosu-alministrativu contra la decisión del gobiernu asturianu qu'autoriza la suscripción d'un alcuerdu cola entidá mercantil Jovellanos XXI SAU pal arrendamientu de parte de los inmuebles asitiaos en "El Vasco", Uviéu, llugar del nuevu palaciu de xusticia. Pela so parte'l Director Xeneral de Patrimoniu, Javier Uría, afirmó que “la iniciativa pa dotar a la capital d'Asturies un nuevu complexu xudicial acomódase a la Llei de Patrimoniu del Principáu”.

La decisión d'IX-BA-Verdes vien por mor de la declaración d'inadmisibilidá per parte del Conseyu de Gobiernu del recursu de reposición y la solicitú de suspensión del actu que presentaron Adolfo Saro, en representación d'IX d'Uviéu, y Enrique Fernández, en representación de los Verdes d'Asturies.

Pela so parte'l Director Xeneral de Xusticia, José Manuel Fernández, considera que'l recursu presentaáu pola diputada d'IX adolez del mesmu defectu de “llexitimación activa” que'l presentáu en so día énte'l Conseyu de Gobiernu. Dende'l gobiernu asturianu insistén amás en que "la operación del futuru Palaciu de Xusticia d'Uviéu cumple con toles normes llegales vixentes y cuenta con tolos informes preceptivos”.

Contador Estadistiques