L'asociación de vecinos de Xivares “El Tranqueru” convoca por cuartu añu consecutivu a facer una “Cadena Humana” como símbolu de la so defensa del Altu d'Aboño ante'l desmonte que quier facer l'Autoridá Portuaria de Xixón.L'actu ta programáu pa esti próximu domingu 16 d'agostu a les 18:00 hores nes playes de Peñamaría y Xivares.

A partir de les seis de la tarde "entamará a formase la cadena. Una y bones formada, la Banda Gaites de Candás emprincipiará un 'pasaplayes' al que s'axuntarán los manifestantes". Darréu lleeráse un manifiestu y n'acabando habrá xuegos populares y sidra y comida del país.

Dende l'asociación de vecinos de Xivares afiten que col "sofitu unánime municipal de Carreño sigue na llucha por evitar el desmonte. El conceyu llevó a xuiciu ante la Sala 8ª de l'Audiencia Nacional la falta d'Estudiu d'Impactu Ambiental n'ampliación del Plan d'Utilización d'Espacios Portuarios y ta a la espera de sentencia y al igual que l'Asociación alegará contra'l recién presentáu Estudiu d'Impactu Ambiental fechu pa realizar el desmonte".