Les artistes Cristina Ferrández Box y Lucía Rivero Rodríguez algamen la X edición del Premiu Astragal

El X Premiu Astragal, qu'entama l'Instituto Asturiano de la Juventud en collaboración col Concesu de Mocedá de Xixón, foi pa Cristina Ferrández Box y Lucía Rivero Rodríguez, polos sos proyectos artísticos que podrán vese nel Espaciu Astragal de Xixón, ente l'últimu trimestre de 2009 y entamos de 2010. Cada premiada recibirá 6.500 euros de premiu, colos que tienen de producir los proyectos presentaos nel concursu y editar los catálogos.

Cristina Ferrández, artista alicantina (1974) asitiada nel nuesu país, presentó un proyectu tituláu "Huertos urbanos", mientres que'l de la xixonesa Lucía Rodríguez (1984) lleva por títulu "El Perro romántico". 

El Premiu Astragal, que ta incluyíu na convocatoria anual del Instituto Asturiano de la Juventud baxo'l nome xenéricu Culturaquí, quier "dar cabida a proyectos artísticos ideaos específicamente pa la Sala d'esposiciones del Conseyu de Mocedá de Xixón y la so interacción cola ciudá onde ta asitiada". A esta edición presentáronse un total d'ochu proyetos.