El Gobiernu asturianu presentó la programación completa pal Día d'Asturies

El conceyu de Cuideiru va acoyer los actos conmemorativos del Día d'Asturies 2009, que se celebrarán del 5 al 8 de setiembre y qu'esti añu contarán coles actuaciones de Miguel Ríos y "El Sueño de Morfeo". El programa completu presentólu esti fin de selmana na Feria Internacional de Muestres d'Asturies el Viceconseyeru de Promoción Cultural y Política Llingüística, Jorge Fernández León.
 
Según el Gobiernu d'Asturies "el programa festivu complétase con otres actividaes como la celebración d'un mercáu tradicional asturianu, una amuesa de los oficios artesanales, una feria de productos asturianos, con puestos de venta de la gastronomía y artesanía del Principáu, y una feria del llibru y del discu de la rexón. Tamién habrá conciertos y eventos deportivos programaos pol Gobiernu del Principáu". Los actos van desendolcase nel paséu marítimu y nel puertu de Cuideiru.

Los llectores d'Asturies.com puede ver el programa completu qu'ufre'l Gobiernu asturianu calcando nesti enllaz.