El conceyu d'El Franco va allugar dos cites cola música y el baille pa esti fin de selmana. Esti vienres 7 d'agostu va entamase la VIII Noite Folk d'A Caridá dende les 21:00 hores nel área recreativa de Pormenande. Nella van actuar los grupos asturianos Brisas del Navia y Cádaba, que van tar acompañaos tamién polos grupos Last Order, del Reinu Uníu, y Dealan, de Cataluña.

Y el sábadu 8 va facese'l XX Festival Internacional de Folklore del conceyu d'El Franco, entamáu pol grupu folclóricu El Cabazo, cola participación del grupu de dances Djido, de Serbia, y el venezolanu Ballet Folklórico Zararibacoa, amás del propiu grupu organizador. El festival va celebráse nel Auditoriu del complexu cultural As Quintas d'A Caridá a partir de les diez de la nueche.