Esti fin de selmana entama'l II Mercáu Tradicional de Coballes

El pueblu casín de Coballes va celebrar los díes 8 y 9 d'agostu'l so mercáu tradicional. Neses xornaes les cais del pueblu van enllenase d'unos 40 artesanos, de los cuales unos cuantos serán xente del propiu pueblu. Ente toos ellos habrá madreñeru, ferreru, manegueru, talla en maera, abeyes, ente munchos otros. Per otru llau, tamién va poder oyise la música del país cola actuación d'Hector Braga, los hermanos Valleroso y Juanjo Martínez.

Amás, según informen los organizadores "vamos disfrutar d'un espectáculu de cetrería y la xente podrá degustar tolos productos típicos de la zona como son los tortos con picadillu, les tortes de casa, pan del fornu, borona y un sinfín de comides toes elles preparaes pola xente del pueblu d'una forma tradicional dafechu". El programa completu puede consultase nesta dirección.