El grupu Nuberu va recibir la Medaya de Plata d'Asturies

|

El Gobiernu asturianu ta acabante de proponer les "Medayes d'oru y plata d'Asturies 2009", unos galardones que quieren dsitinguir a persones o colectivos representativos del nuesu país y que s'entreguen nuna ceremonia coincidiendo coles celebraciones del Día d'Asturies. Una d'estes distinciones, la medaya de plata, va dir pal míticu grupu Nuberu.
 
El grupu Nuberu, formáu por Manolo Blanco Peñayos y Chus Pedro Suárez, asoleyara yá en 1978 el so primer discu "Asturies, ayeri y güei", y que va dos años anunciaron la so disolución, siendo una referencia pa la cultura, la música, y el idioma del país.

Per otru llau van concedese dos "Medayes d'oru". Una va pa Aurelio Menéndez Menéndez, ex-ministru, conseyeru d'Estáu, caderalgu y abogáu xixonés, mientres que la otra va recibila José Ramón Fernández Álvarez, vicepresidente de Cuba d'orixe asturianu.

En cuanto al restu de "Medayes de Plata", van distinguir a l'alpinista Rosa Fernández, a José Joaquín Barluenga Mur, caderalgu de Química Orgánica Universidá d'Uviéu, al restaurante Casa Consuelo d'Outur, a l'Asociación de Amigos de la Ría de Navia y a l'Asociación Asturiana de Empresa Familiar.

Comentarios

¿Y por qué non la d'oro ?

Gabis

Ai! Gabis, paeces nuevu nin!
Yá ye muncho que dean la de plata a una trayeutoria musical en llingua asturiana como pa da-yla d'oru. Pues daránla a Falete o Farruquito que ye lo qu'identifica fielmente la fsa.
;-)

Tomate tien razón, paezo bobu, como se me ocurre facer preguntes que caen de caxón, paez que yo fuere estraterrestre, dán-yos la medalla...¿medaya? por cantar nuna llingua qu'oficialmente nun ta reconocida, esto ye, una llingua qu'oficialmente nun esiste, esto ye, como da-yos el Premiu Príncipe de Solidaridá Internacional a los Reis Magos d'Oriente

Gabis

Nun dexa de ser un actu d'hipocresía por parte del Gobiernu Asturianu. Per un llau otorga una medalla a trenta años de trabayu musical sofitando la llingua asturiana. D'otru llau yá sabemos les milenta torgues y actuaciones impresentables que tien pa con esta llingua.

Bono, entre da-y una medalla a la llingua a titulo postmorten o en vida ellos fainlo mientres alita, l´entierru camiento sedra bayurosu y con honores, la medalla d´oro sera pal últimu falante, nel xeriátricu, nun actu peremotivu rodeáu de los medios de comunicación y blablabla, por si vos toca procurar llegar a la vieyura curiosinos.

Contador Estadistiques