El Principáu afita una renta familiar máxima de 45.000 euros p'acceder al 'cheque bebé' de 500 euros

|

El Principaú afitó güei, en Conseyu de Gobiernu, atorgar 500 euros por nacimientu de fíu --el nomináu 'cheque bebé'-- a les families con rentes que nun superen los 45.000 euros anuales. Les beneficiaries serán les families asturianes con fios nacíos ente'l 1 de payares de 2008 y en tol llargor del periodu de 2009.

   "Ye una cifra perrazonable porque entendemos qu'una familia penriba d'esos ingresos anuales nun tien como imprescindible recibir 500 euros de l'Alministración al tener un fiu".

   Asina lo anunció güei la Conseyera d'Alministraciones Públiques y Vocera del Gobiernu del Principáu, Ana Rosa Migoya, na rueda prensa qu'ofreció güei na sede de la Presidencia tres la celebración del Conseyu de Gobiernu.

   "Güei lo que ficimos ye autorizar el gastu. Agora la Conseyería d'Economía tien que proceder a poner en marcha l'afayadiza resolución de convocatoria", señaló.

   Neti sen, Migoya manifestó que a mediaos d'esti mes la convocatoria d'esta midida será asoleyada nel Boletín Oficial del Principáu d'Asturies (BOPA). "Queremos que sea una convocatoria áxil y afayadiza pa los ciudadanos poro'l trámite podrá realizarse fácilmente por un servicio telemáticu dende los sos llares", apuntó la Conseyera.

   La vocera del Gobiernu esplicó que la llende de renta de 45.000 euros decidióse nel Conseyu de Gobiernu por asentimientu de tolos sos miembros y señaló que cuando'l Gobiernu rexonal punxo a furrular esta midida complementaba la midida adoptada pol Gobiernu d'España y nuna situación económica meyor que la de güei y poro, l'executivu rexonal "considera necesario distribuyir los recursos a les persones que más lo necesiten", amestó la conseyera.

SOVENCIONES ORDENADORES

   No que cinca a les sovenciones destinaes a la mocedá pa la compra d'ordenadores, Migoya manifestó que'l Gobiernu del Principáu nun se plantega volver a abrir esta midida que se punxo a furrular el pasáu añu, al considerar que fueron más de 43.000 mozos y moces los que se beneficiaron d'esta sovención.

Comentarios

Más que'l cheque "bebé" yo soi partidariu del "cheque-bebe", ensin tilde, pola cuenta que me trai

Gabis

Contador Estadistiques