La Dirección Xeneral de Salú Pública acaba d'unviar a los servicios sanitarios el nuevu protocolu d'actuación pa los casos de virus de la nueva gripe A (H1N1). Nelli,la principal novedad ye qu'en toles sospeches de gripe actuaráse de la mesma manera, con independencia de la cepa de virus causante de la enfermedá. Esto ye que'l diagnósticu será clínicu, ensin necesidá d'unvíu de muestres al llaboratoriu p'análisis virolóxicu.

D'esti mou col nuevu protocolu'l diagnósticu de los casos será clínicu, lo mesmo qu'asocede col restu de casos provocaos por otru tipu de cepes. Esto ye que los profesionales sanitarios afitarán el diagnósticu de gripe en función de que la sintomatoloxía presentada pol paciente cumpla los criterios de definición de casu. El diagnósticu que se fará será de gripe, ensin necesidá de conseñar la cepa causante de la enfermedá.

Cuando la gripe entre en fase epidémica los esfuerzos centraránse n'amenorgar l'impactu sanitariu y social del virus pente l'atención a los enfermos nes cases y nos centros sanitarios. Será la gravedá del casu y la presencia de factores de riesgu, lo qu'a criteriu de los profesionales determinará la estratexa terapéutica afayadiza.