El desempléu nel nuesu país baxó en 3.331 persones esti pasáu mes de xunetu, lo que significa un 4,72% en rellación a xunu. Asturies algama la mayor caída del paru nel Estáu, nel qu'amenorgó un 0,58%, según los datos qu'acaba de publicar'l Ministeriu de Trabayu.

El mes pasáu un total de 67.261 persones siguíen inscrites nes oficines d'empléu. Per sectores, el paru descendió nos Servicios en 2.134 persones, na Construcción en 449 persones, n'Industria en 643 persones, nel colectivu ensin Empláu Anterior en 87 y n'Agricultura en 18 persones.

Sicasí, hai qu'afitar que respective al mes de xunetu de 2008 el desempléu creció nel nuesu país en 19.800 persones, un 41,72%.