Home, nestos caberos años hai más. Pero en xeneral, el proletariáu astur siempre miró más pa la so barriga que pa otru llau. La siderurxa, los astilleros, los mineros, los ganaderos.... llucharon polos sos intereses monetarios. Nunca exercieron el papel de reivindicadores d'una cultura.
El fechu, creo, foi más bien pola inesistencia d'una clas social elitista que mirare pola nuesa cultura. La drecha equí siempres foi castellaniega, colo que negaben la nuesa idiosincrasia. Tal y como ocurre anguaño. Lo que pasa que, gracies a que la clas social media ye la más abondosa y tamos estudiaos pues decatámonos d'ello.
El casu de la minería, que ye'l que conozo, ye un cúmulu de despropósitos d'UGT y CCOO en plan marxismu españoliegu, con absoluta negación de lo propio. Nunca entendí, nin entiendo, cómo tolos pozos teníen nel castillete POZO X, y nunca se-yos ocurrió poner POZU X, como tol mundu dicía.  Barrigues agradecíes? Sí, más bien ye esto. Apego a lo propio? Poco, el grandonismu faltosu del Payares p'allá cola sidra, la gaita, la pallabra guah.e y poco más.