El PSOE considera "escandaloso" que'l Conceyu d'Uviéu alxudique obres a una empresa rellacionada col casu 'Gürtel'

La vocera socialista del Conceyu d'Uviéu, Paloma Sainz, consideró "escandaloso" que'l Conceyu d'Uviéu alxudicare obres públiques, incluyíes dientro de la financiación del Plan E, a la empresa Teconsa, pola so supuesta rellación cola trama del 'casu Gürtel'.Pela so parte Roberto Sánchez Ramos, conceyal d'Asciz, tarrez que les actuaciones de Teconsa n'Uviéu se paralicen "si avanza la bola" de la supuesta trama sobre'l grupu Martínez Núñez"

   Así lo espresó güei demientres una rueda prensa posterior a la Comisión d'Economía, na que se trató la situación de la mencionada firma, na que los trabayadores denunciaron que nun cobraron la última mensualidá. La empresa ta executando n'Uviéu les obres de la Llosa de l'Avenida Santander y de la conexón de los depósitos del Cristu, dambes financiaes con cargu a los fondos estatales del PLan E o Plan Zapatero.

   "Ye un escándalu", opinó Sainz. "A la ciudadanía pue resulta-y preocupante qu'una empresa a la que tán investigando xudicialmente dientro de la filaza del casu 'Gürtel', axudíquense-y contratos dientro del Ayuntamientu, un Ayuntamintu gobernáu pol PP, que tien munchos de los sos responsables implicaos nel casu", comentó.

   Por esti motivu, la conceyala socialista pidió al equipu de Gobiernu que "esplique si ellos yá conocíen previamente esa implicación de la empresa col casu Gürtel, enantes de presuponer o suponer qu'hai una rellación ente'l PP d'Uviéu y Teconsa".

   Los socialistes solicitaron una rellación de toles axudicaciones que pudo recibir la constructora dende l'añu 2003, "pa saber l'oxetivu, la cuantía y la fecha".

   Pela so parte, el conceyal de l'Asamblea de ciudadanos pola Izquierda, Roberto Sánchez Ramos, refirióse a la situación llegal de la firma pa mostrar les sos dudes de que puea acabar los sos trabayos. "A naide se-y escapa qu'a esta empresa, con otru grupu (Martínez Núñez), tán observándola los tribunales y la Facienda pública, por un tema que s'escapa a les dos obres que ta realizando n'Uviéu", comentó. Ramos tarrez que, "d'avanzar la bola sobre ella, y sobre'l grupu Martínez Núñez, los trabayos queden paralizaos".