Un proyeutu d'Asturies, Cantabria y Lleón va permitir tener cartografiada la estensión de Picos d'Europa nel 2010

|

El Parque Natural d'Europa va tener cartografida tola so estensión nel 2010 dispón nesti momentu de 48.000 hectárees de vexetación cartografíes en base al proyeutu 'Cartografía de flora amenazada y mapa de vexetación 1.10.000 del Parque Natural Picos d'Europa', del que yá s'acabó la primer fase baxo la coordinación del Xardín Botánicu Atlánticu de Xixón, xunto a equipos investigadores botánicos de les universidaes d'Uviéu, Cantabria y Lleón.

El proyeutu, financiáu pol Parque Natural al traviés del Ministeriu de Mediu Ambiente y Mediu Rural y Marín, contó con una partida de 311.154 euros pa la primer fase, y dispón de 220.000 euros pa la segunda fase yá axudicada.

El presidente del Parque Picos d'Europa y conseyeru de Desarrollu Rural, Ganadería, Pesca y Biodiversidá del Gobiernu de Cantabria, Jesús Miguel Oria, señaló güei en rueda prensa que s'algamó mui bonos resultaos na primer fase, y que s'espera que na segunda, que va acabar nel 2010, se disponga del total de vexetación cartografiada.

Oria esplicó que'l presente estudiu, puesto en marcha nel 2006, surdió de la "necesaria revisión" d'un proyeutu previu realizáu na década de 1980, pa executar una esploración botánica "más detallada" aprovechando l'usu de les nueves teunoloxíes actuales. Asina, l'oxetivu ye meyorar los conocimientos disponibles sobre la flora amnazada de Picos d'Europa, onde existen zones poco esploraes, asina como la ellaboración d'un mapa de vexetación que trata la dimensión de tol parque.

L'actu de prestentación de la primer fase del proyeutu, desarrolláu nes instalaciones del Xardín Botánicu, tuvo presidíu pola conceyal de Mediu Ambiente de Xixón y presidenta del Xardín, Dulce Gallego, que remarcó que se trata d'un proyeutu "mui importante y queríu". Asina, Gallego apuntó'l compromisu del Botánicu de disponer d'una visión "global" que permita "conservar la riqueza del entornu natural".

"Tenemos una xoya nel Parrque Natural de Picos d'Europa, y ente toos tenemos que cuidala", reseñó al tiempu que mostró la so intención de que continúe nel futuru la collaboración ente instituciones y universidaes pa la proteición del Parque y otros intereses comunes.

Tamién participó nel eventu'l director del Parque, Rodrigo Suárez, que señaló que la dimensión del espaciu protexíu asciende a los 66.000 hetárees y que'l proyeutu va garantizar al mundu científicu disponer de la cartografía dixital de tola so estensión.

La esplicación de los resultaos de la primer fase corrió a cargu del codirector del proyeutu y conservador del Xardín Botánicu, Álbaro Bueno. Na so intervención esplicó que la primer fase centróse na cartografía de la flora amenazada, con 39 plantes prioritaries y llocalización de nueves poblaciones asina como'l so estudiu. Tamién se desarrolló'l mapa de vexetación de la metá del Parque.

Nel estudiu tán paricipando 26 investigadores más 25 collaboradores ente alumnos en práctiques, téunicos y personal de guardería del Parque. Resaltó qu'una participación d'estes característiques, intercomunitaria, ye "singular y relevante".

Tamién s'ellaboró una base de datos de Picos d'Europa y un visor cartográficu de les cerca de 40 especies estudiaes. Amás, de manera complementaria se realizó un catálogo florísticu del Parque. Y ye que nel estudiu de Nava Fernández de la década de 1980 se detectaron 600 taxones, mientres que nel proyeutu actual el primer añu (2007) se contaron 1.691 y nel presente exerciciu s'algamaron los 1.833. Poro, Bueno señaló que s'espera disponer d'un catálogu florísticu pal añu que vien y realizar un compendiu d'información cartográfica pal 2010.

Contador Estadistiques