El Ministeriu de Fomentu va emprestar 215 millones d'euros pa financiar el sobrecoste de l'ampliación d'El Musel

Tres una reunión acabante de celebrar en Madrid ente'l presidente asturianu Álvarez Areces y el ministru de Fomentu, José Blanco, esti últimu dio anuncia que'l Ministeriu va garantizar la finalización de les obres d'ampliación del puertu d'El Musel (conceyu de Xixón) con un préstamu de 215 millones d'euros, un dineru que va ser incluyíu nos Presupuestos Xenerales del Estáu pal añu que vien.

Blanco afitó que'l préstamu de 215 millones d'euros va tener un periodu de carencia d'alredor de siete años pa la so devolución, ensin qu'ello condicione la posible llegada de fondos europeos pa les infraestructures asturianes.

Variante Payares

Per otru llau'l ministru dio anuncia no que cinca a la variante de Payares, que va tar en funcionamientu a fines del añu 2012, polo que'l tiempu de viaxe ente Uviéu y Madrid va amenorgar nuna hora.