La Comisión d'Espertos del Pactu Antitransfuguismu considera tránsfuga al conceyal d'IAS de Piloña

|

La Comisión de Siguimientu del Pactu Antitransfuguismu, presidíu pol ministru de Política Territorial, Manuel Cháves, declaró seis nuevos casos de transfuguismu, ente los que ta'l del ex-conceyal d'Izquierda Asturiana nel Conceyu de Piloña, José Ángel García, 'Allende'.

   La Comisión d'Espertos Independientes consideró que l'edil ye un "tránsfuga". Nesti casu, tanto IAS como'l PP denunciaron que l'alcalde del PSOE caltenía nel equipu de Gobiernu a un conceyal espulsáu de la organización pola que se presentó a les elecciones. 

   Izquierda Asturiana y el PP de Piloña llevaren el casu a la Comisión Antitransfuguismu, tres suspender IAS de militancia a García por diferencies cola so xestión como sociu políticu del PSOE, partíu gobernante. Posteriormente, el propiu alcalde de Piloña, Camilo Montes, anunciare la espulsión de 'Allende' del gobiernu municipal, onde ocupaba'l cargu de teniente alcalde. La Comisión 'Antitransfuguismu' decidió unviar por falta d'acuerdu'l casu al comité d'espertos, qu'emite dictames que deben acatar los partíos.

Comentarios

Bien, y eso ¿qué repercusiones reales va tener?

Gabis

Contador Estadistiques