Esti domingu celébrase'l "XI Mercáu Tradicional Ayerán"

Esti próximu domingu 26 de xunetu va celebrase'l XI Mercáu Tradicional Allerán en Murias (conceyu d'Ayer), entamáu pola Asociación Cultural La Colegiata. El mercáu va emprincipiar a les 11:00 hores con más de cuarenta puestos d'artesanos y talleres en vivu. A les 13:00 hores va entamase una misa na capiya de la Virxe de las Nieves y darréu la tradicional Puya'l Ramu. Depués va actuar Milio del Nido a les 14:00 hores.

Yá a les 15:00 hores ellaboraráse una paella xigante que los visitantes del mercáu podrán tomar de baldre. Durante tol día habrá un pasucais por cuenta de la banda de gaites "La Viga Travesá".  Depués de la xinta, habrá un cuentacuentos infantil, un pase de zancudos y l'actuación de la banda de gaites. Pa rematar la xornada'l grupu de teatru Nuntris ufrirá a les 20:00 hores una actuación cola obra "El Conde la Burra torna de les cruzaes".