Xixón, Avilés y Uviéu ente los once ayuntamientos más "tresparentes" del Estáu

|

Los ayuntamientos de Xixón, Avilés y Uviéu tán ente los once más tresparentes del Estáu, según l'informe ellaboráu pola ONG Transparencia Internacional España. Avilés y Xixón algamen una puntuación de 97,5 sobre cien y asítiense en segundu llugar, xunto con Bilbao, Mataró y Alcobendas.

   En primer llugar asítiase'l de Sant Cugat del Vallés con una puntuación de 98,8 puntos. Uviéu ta nel décimoprimer lugar con 90 puntos sobre cien. La media nacional ye de 64 puntos.

   L'informe, ellaboráu pola ONG Transparencia Internacional España, estudia'l trabayu y la información de los 110 conceyos españoles más poblaos en base a 80 indicadores rellacionaos cola información sobre la corporación municipal, la rellación de les instituciones colos ciudadanos y la sociedá, asina como valores de tresparencia económico financiera, na contratación de servicios y en materies d'urbanismu y obres públiques.

   L'informe valora cinco árees de tresparencia. Na primera, 'Información sobre la Corporación Municipal', l'Ayuntamientu d'Uviéu algama una puntuación de 100 sobre cien, mientres la media xeneral ye de 71,4.

   Nel segundu área, 'Rellaciones colos ciudadanos y la sociedá', l'Ayuntamientu uvieín puntúa con un 85, y en cuanto a la tresparencia económico-financiera, la puntuación ye de 94,7.

   Sobre la tresparencia na contratación de servicios, la puntuación del Conceyu ye de 57,1 sobre cien, perbaxo de la media xeneral (58,3).

   Otru área analizada nel informe ye la tresparencia en materies d'urbanismu y obres públiques, onde Uviéu puntúa con 94,1, tamién más que la media (67).

   Nel casu del Ayuntamientu de Xixón, tamién puntúa 100 puntos na información sobre la corporación municipal; 95 nes rellaciones colos ciudadanos; 100 en tresparencia económico-financiera; 100 en tresparencia en contratación de servicios y 94,1 en tresparencia en materia d'urbanismu.

   L'Ayuntamientu d'Avilés algamó 94,1 puntos n'información sobre la Corporación municipal; 95 en rellaciones colos ciudadanos y la sociedá; 100 en tresparencia económico-financiera, en tresparencia coles contrataciones de servicios y en materies d'urbanismu y obres públiques.

Contador Estadistiques