El Xixón Baloncestu desapaez
|
23 Xunetu, 2009 por Pablo R. Alonso
- Inicie sesión o rexístrese pa espublizar comentarios
El Xixón Baloncestu desapaez depués de 27 años d'historia y dos etapes na máxima categoría del baloncestu estatal. El club asturianu nun va inscribise en nenguna competición la próxima temporada al nun ser quién a algamar l'aval necesariu pa competir na LEB plata, polo qu'entama la so desaparición. Dende'l club culpen de la situación al Gobiernu asturianu por camudar "unilateralmente los términos del alcuerdu suscritu y retrasar el pagu de la subvención que n'anteriores temporaes abonaba en dos plazos".
Según los directivos si'l Principáu diere "la mitá de la subvención como n'años anteriores, al terminar la lliga regular, y col dineru de la campaña d'abonaos habría dineru suficiente pal aval y la inscripción" y non como esti añu, que va facer pagos mensuales a aprtir d'agostu. D'esti mou desapaez el Xixón Baloncesto, club fundáu en 1982 y que militó n'ACB na temporada 1995-96 y nes 1999-2000, 2000-01 y 2001-02.
Efrén d'Andrés
Lo + visto de la selmana
Comentarios
Llamentable noticia pero nun por ello yera yá dalgo que se vía venir. Ensin proyectu de futuru, saliendo a competir siempres a última hora, ensin categoríes base, con una cancha vacía... Agora llega'l momentu los berros, les culpes y les teoríes de la conspiración.
Y por muncho que nos pongamos, al final, el deporte rei ye'l que ye, el fútbol... tolo demás nun llevanta pasiones tan multituidaries, quitando algún momentu o alguna temporada concreta, y eso políticamente tiense en cuenta, quieras que non, la repercusión social, política, y electoral del deporte. ¿Nun xuntar deporte y política?...Pero....¿qué cosa nun ta xuntao a la política nos nuestros díes, y más los fenómenos de mases?. L'únicu deporte qu'económica y políticamente tien efectos sociales serios ye'l de xugar conunos palinos nun campu de céspede bien verde, cuidáu y regáu con miles de litros d'agua al día, y mui relacionáu col lladriellu y l'urbanismu, con mui pocos seguidores reales en comparanza col fútbol, pero con grandes intereses detrás.
Gabis