Asturies rexistra seis casos más d'infección pol nuevu virus de la Gripe A/H1N1

|

El Llaboratoriu de Viroloxía del Hospital Central d'Asturies acaba conseñar seis casos nuevos d'infección pol virus de la gripe A/H1N1 nel nuesu país. Con estos, númberu d'infecciones detectaes na Asturies eleváse a 18. Sicasí, tolos pacientes, sacante estos casos nuevos, tienen yá l'alta médica.
 
De los seis casos, trés son de xente mozo d'ente 13 y 17 años, dos muyeres y un home, residentes nel área sanitaria V (Xixón). Tan siendo trataos en casa y responden favorablemente al tratamientu. Dase'l casu que los trés regresaron hai poco d'un viaxe al Reinu Uníu.

Nel área sanitaria III (Avilés), hai dos casos nuevos. Son dos muyeres de 17 y 38 años, con un cuadru clínicu leve. Dambes regresaron recientemente de Bélxica y el Reinu Uníu, respectivamente. El sextu casu ye una neña de 8 años, con residencia nel área sanitaria d'Uviéu, y que presentó un cuadru clínicu leve. La menor tuvo de viaxe per dellos países del Mediterráneu y yá ta restablecida dafechu.

Contador Estadistiques