El Conceyu de Xixón contesta a les 2.828 alegaciones al Plan de Cabueñes con diez respuestes tipu

|

El conceyal d'Urbanismu, Pedro Sanjurjo, aseguró que l'Ayuntamientu de Xixón va proceder a la contestación de les alegaciones a les que se sometió'l plan parcial de Cabueñes, contra'l que llegaron a presentase 2.828 escritos. Asimesmo insistó en que'l conteníu del Plan Xeneral d'Ordenación Urbana (PXOU) "caltiénse igual".

   El Conceyu resovió en sesión ordinaria de la Xunta de Gobiernu, el "complexu trámite" mediante diez respuestes tipu qu'axunten al conteníu de les casi 3.000 quexes. De la mesma manera, la respuesta del Ayuntamientu permite, según Sanjurjo, "siguir dando trámite al plan parcial de Cabueñes". Pal edil, ye "una cuestión fundamental pa nun xenerar nenguna espera".

   El conceyal d'Urbanismu declaró en rueda prensa que'l documentu de contestación estima una "parte sustancial" de les alegaciones qu'atiende principalmente a dos oxetivos. El primeru d'ellos ta rellacionáu col númberu de plantes de les edificaciones a construir. L'altura máxima va quedar llendada a "baxu más trés", según informó l'edil.

   Con respeuto al vial que va unir l'Hospital de Cabueñes cola Autovía del Cantábricu nel so enllace de Deva, Pedro Sanjurjo afirmó que va haber una baxada nel anchu d'esti viariu. Por esa razón, van efeutuase dos soluciones. En primer llugar, nel entornu ente l'hospital y el Parque Científicu Tecnolóxicu va caltenese un vial de dos carriles, en caún de los sentíos de circulación.

   Per otra parte, la zona residencial hasta l'enllace con Deva resúelvese con un carril de circulación en caún de los sentíos. En palabres de Sanjurjo, la solución adoptada va tornar el nuevu plan residencial nuna cai "tipu bulevar con unes característiques de plena integración del paisaxe".

   Amás, l'Ayuntamientu propón la inclusión del arboláu de la carretera de Deva nuna mediana verde, de manera que se preserve'l valor paisaxísticu de la zona.

   A lo último, el conceyal d'Urbanismu anunció un incrementu de la superficie del Colexu de Cabueñes. L'ampliación va algamar 5.250 metros más de los que nesti momentu tien el recintu educativu que pertenez a la zona.
 

Contador Estadistiques