La Conseyería de Cultura presenta una campaña informativa n'asturianu sobre seguridá nes playes

La Directora Xeneral de Política Llingüística, Consuelo Vega, participa esti vienres na presentación d'una campaña informativa n'asturianu de seguridá nes playes. Col títulu de "Midíes de Seguridá nes playes", la campaña busca un doble oxetivu, "l'informativu y el preventivu, ufriendo conseyos a los usuarios de les playes", nesti casu de la Mancomunidá de la Sidra, sobre'l "procedimientu d'actuación más afayaízu énte situaciones de riesgu nes playes".
 
Col eslogan “Na mar... ¡Nun sías calamar!”, los materiales didácticos de la campaña van ser repartíos nos puestos de socorru, nos centros de salú, nos centros escolares y nes oficines de turismu. Asimesmo, editóse material específicu pa socorristes, nel que se detallen normes de primeros auxilios. La presentación va ser esti vienres, de magar les 12:00 hores nel puestu de salvamentu de la playa de Rodiles (conceyu de Villaviciosa).