La Comisión Europea va financiar cursos intensivos en llingües cooficiales del Estáu pa estudiantes Erasmus

La Comisión Europea va financiar el programa de cursos intensivos de les llingües cooficiales del Estáu, destinaes a estudiantes Erasmus, que s'integren nes universidaes nes qu'estes llingües s'usen, y que va desarrollase de magar el cursu 2010-2011. L'organismu esplica qu'estos cursos formen parte del Programa de Deprendimientu Permanente que s'ofrez al país d'acoyida, como "una oportunidá d'estudiar un idioma ente dos y seis selmanes".

   D'esta maneera, l'oxetivu ye "preparar" a los estudiantes tanto pa la so estancia demientres el periodu d'estudios Erasmus como pa realizar práctiques nel estraxeru. A lo último, destaca que "más de 4.000" alumnos participaron nestos cursos intensivos demientres el cursu 2006-2007, qu'hasta agora sólo s'impartíen pa les llingües oficiales de la UE y pal islandés, noruegu y turcu.