Los autobuses nocturnos amplíen el so recorríu pel Occidente

|

El Director Xeneral del Consorciu de Tresportes d'Asturies (CTA), Carlos González, y los alcaldes de los conceyos de Valdés, Navia, Cuaña, El Franco, Tapia, Castropol, A Veiga y Ribadeo presentaron el serviciu que los autobuses van a realizar pela nueche otru branu más nel Occidente del país. La novedá ye que va llegar hasta L.luarca.

Tolos vienres y sábados, dende'l próximu 10 de xunetu hasta'l 8 de setiembre, amás de les nueches de los díes 16 de xunetu, 17 d'agostu y 7 y 8 de setiembre,furrulará'l serviciu nocturnu llamáu "Búho" ente L.luarca y Ribadeo, entrando en Puertu Veiga en tolos viaxes, y faciendo'l mesmo recorríu y paraes que'l serviciu diurnu.

Esti serviciu ye ún más de los de la rede de servicios nocturnos "Búho del Principado de Asturias", y qu'esti añu amplióse coos servicios Mieres-Felechosa, los dos servicios nocturnos nel Oriente, que viaxen dende Llanes a Onís, y el de la comarca d'Avilés.
 

Contador Estadistiques