El conseyeru de Salú conseña que la situación epidemiolóxica nel país ye "normal"

|

El conseyeru de Salú y Servicios Sanitarios, José Ramón Quirós, conseñó que la situación epidemiolóxica en rellación cola afección del virus de la gripe A/H1N1 n'Asturies ye normal y polo tanto la xente "debe facer vida normal". Asimesmo afitó que'l meyor mensaxe que se puede dar a los asturianos ye'l "de tranquilidá y normalidá".
 
Quirós recordó que n'Asturies son cuatros los casos confirmaos d'infección por esti virus y añadió que "lo lóxico será ver como apaecen más casos". Sicasí insistió en que tolos casos evolucionen favorablemente y nengún permanez hospitalizáu, añadiendo que "ye una gripe más" y que nesti momentu "nun procede nenguna medida especial" y nun "se debe especular sobre lo que pueda ocurrir na seronda, temporada epidemiolóxica, sinón que de lo que se trata ye de ver como evoluciona y como se comporta'l virus". Finalmente indicó que ye prematuro falar de la campaña de vacunación.
 

Comentarios

Eso ye un bilordiu, hai yá casos de xente con gripe A que nun tan cuntando, evitar dir a zones concurries como selmana prieta, feria muestres y zones onde haya munches persones.

Contador Estadistiques